Tumuaki
Te Wānanga o Raukawa, Ōtaki
Ko Te Wānanga o Raukawa tētehi kei mua e haere ana mō te tuku me te whakatupu i te mātauranga ki te paetoru i runga i te kaupapa Māori. E kimihia ana tētehi tangata toitoi manawa, he kanohi kite mamao, māna a Te Wānanga e ārahi i runga i te tōtika, me te oke anō kia hāpainga ngā uara me ngā tikanga Māori. Kua horahia e Te Wānanga o Raukawa ngā ara maha e ako ai te katoa i runga i ngā tikanga Māori, ko ngā mātāpono o te rautaki whakapakari iwi nei, o Whakatupuranga Rua Mano, te tūāpapa. Ko tēnei rautaki e whakapuaki ana i ngā tūmanako o ngā iwi e toru nei, o Te Āti Awa, o Ngāti Raukawa, o Ngāti Toa Rangatira (te Kotahitanga o ART), nāna a Te Wānanga o Raukawa i whakatū.
I tō tūnga hei Tumuaki, kei runga i a koe te haepapa ki te whakatinana i ngā kaupapa tuku iho a Te Wānanga o Raukawa. Koia ēnei:
- Rangatiratanga
- Kotahitanga
- Pūkengatanga
- Ūkaipōtanga
- Wairuatanga
- Kaitiakitanga
- Manaakitanga
- Whanaungatanga
- Te Reo
- Whakapapa
Te Tūranga:
I roto i tō tū hei Tumuaki, ko tāu: he tūtohu i te ahunga rautaki; he manaaki i te anga kaupapa Māori; he ārahi i tētehi tokomatua manawa rahi, tautōhito tonu, e ngākau nui ana ki te whakamana i ngā ākonga Māori. Ka āta mahi tahi hoki ki tō mātou poari, arā, ki Te Mana Whakahaere, tae atu ki ngā kaimahi me ngā iwi ki te whakaputa i ngā hua mātauranga papai nei, ki te poipoi i te tuakiri Māori, me te whakapau kaha anō kia kairangi tonu te taha whakahaere.
Ngā Kawenga Matua:
- Ko te ārahi i runga i te aronui ki ngā kaupapa Māori, me te whakatinana anō i ngā uara o Te Wānanga o Raukawa i ō mahi urungi katoa, i ō mahi ārahi katoa.
- Ko te whakatakoto me te whakatinana whāinga rautaki hei whakatupu i ngā hua e puta ana i Te Wānanga o Raukawa ki te rāngai mātauranga.
- Ko te mahi tahi ki ngā rōpū whai pānga mai, tae atu ki ngā iwi, ki ngā hapū, ki ngā hoa pātui o waho, hei whakatorokaha ake i ngā taura tangata me ngā pātuinga.
- Ko te whakarīrā kia mau te toitūtanga taha pūtea me te whaihua o ngā mahi whakahaere, hei tautoko i te tupu me te auaha.
- Ko te tū hei māngai pai mō te whakahaere nei, hei kanohi, hei reo mōna ki ngā kaupapa tūmatanui.
- Ko te tiaki ngātahi i ngā whāinga tōmua a ngā rōpū whai pānga mai me te oke kia puta tonu he painga nui ki a ngāi Māori.
- Ko te mahi tahi ki a Paihere Tangata ki te whakataki i ngā mahi whakangaio, whakapakari kaimahi, tae atu ki te tutukinga o ngā mahi e tika ana i tēnā, i tēnā.
- Ko te tuku pūrongo, kupu ārahi anō hoki ki Te Mana Whakahaere mō te tārainga o ngā kaupapa-here, tae atu ki ngā āhuatanga taha pūtea, taha rawa.
Te Momo Tangata e Manakohia ana:
E rapua ana te tangata kei a ia ēnei mea katoa: he kaiārahi kāore e takahuirangi ōna whakaaro; he kite mamao; kua taunga ki ngā ara mātauranga kaupapa Māori; kua kitea ōna pūkenga nui ki ngā āhuatanga rautaki, whakahaere, ki te kōrero tahi ki te tangata, ki te ārahi anō i te tini tāngata. He tangata mōhio ki te whakaputa i ōna whakaaro, ki te whakahihiko hoki i ētahi atu, ki te reo Māori, ki te reo Pākehā. He ariari te kitea o tōna pai ki te whakataki kāhui mahi, ki te whiri hoki i te muka tangata ki ngā iwi me ētehi atu rōpū Māori whai pānga mai. Ka tiwha ia, ka taea hoki e te tangata te haere atu ki a ia, te kōrero ki a ia. He Tumuaki ka piri, ka aro te tokomaha ki a ia, inā tōna mana whaiaro. Ka mōhio pai anō te tangata nei ki ngā take huhua e pāpā nei ki te iwi Māori.
Ngā Tohu Mātauranga me ngā Wheako:
- Kua āta kitea tōna ngākau titikaha ki te kaupapa Māori, ki te reo Māori, ki te mātauranga Māori
- Ka nui ōna wheako ki te hautū i ngā paparanga tiketike, ā, ko te painga atu mehemea kei te ao mātauranga, kei tētehi atu kaupapa rānei e kōpūtahi ana
- Me matatau ki te tiaki, ki te whakahaere pūtea, me taunga hoki ki ngā mahi whakahaere
He aha ngā Painga o te Mahi ki Te Wānanga o Raukawa?
Ina mahi koe ki Te Wānanga o Raukawa, ka noho koe hei huānga nō tētehi whakahaere kaupapa Māori, he whakahaere ahurei tonu, e matomato ana te tupu, mai anō kua eke āna mahi ki te taumata, kua hāpai i te whakaaro hou, kua nui hoki ōna painga ki te hapori. He tūranga tēnei e whai wāhi nui ai koe ki te āhua o te ao mātauranga Māori haere ake nei, e puta ai hoki he painga ki ngā tauira, ki ngā kaimahi, otirā ki te hapori whānui.
Me Pēwhea te Tono:
Āe rānei e minamina ana koe ki te mahi i te taiao kaupapa Māori, he taiao tainekeneke e toritori ai ngā kaimahi? Kei te mānakonako koe ki te āta tautoko i te whanaketanga o te kāwai mātauranga Māori? Kāti, me he āe te whakautu, tēnā tukua mai tō tātai pūmanawa me tētehi reta e whakaatu ana i ō wheako me ō wawata mō te arataki i Te Wānanga o Raukawa. Hei te rua tekau ma whā o Whiringa-ā-rangi kati ai ngā tono.
Mō te roanga atu o ngā kōrero, tēnā whakapā mai ki a:
Russell Spratt – Tau Mai
Īmēra: russell@tribegroup.com
Waea: 029 446 3770
Tumuaki | Chief Executive
Te Wānanga o Raukawa, Ōtaki
Te Wānanga o Raukawa, a leader in kaupapa Māori tertiary education, is seeking an inspiring and visionary Tumuaki to lead our Wānanga with integrity, cultural insight, and a commitment to Māori values and tikanga. Te Wānanga o Raukawa provides an opportunity for all to learn within a tikanga Māori framework underpinned by the principles of the iwi development strategy; Whakatupuranga Rua Mano: Generation 2000. This strategy captures the aspirations of the founding iwi of Te Āti Awa, Ngāti Raukawa, and Ngāti Toa Rangatira, “The ART Confederation”.
As Tumuaki you will be responsible for giving expression to the guiding kaupapa of Te Wānanga o Raukawa.
- Rangatiratanga
- Kotahitanga
- Pukengatanga
- Ūkaipōtanga
- Wairuatanga
- Kaitiakitanga
- Manaakitanga
- Whanaungatanga
- Te Reo
- Whakapapa
The Role:
As Tumuaki, you will provide strategic direction, uphold our kaupapa Māori framework, and lead a dedicated and experienced team committed to empowering our Māori learners. You will work closely with our Board, Te Mana Whakahaere, staff, and iwi to enhance educational outcomes, foster cultural identity, and ensure operational excellence.
Key Responsibilities:
- Lead with a kaupapa Māori approach, embodying our values in all areas of governance and leadership.
- Develop and implement strategic goals to enhance the impact of Te Wānanga o Raukawa in the education sector.
- Collaborate with stakeholders, including iwi, hapū, and other external partners, to strengthen relationships and partnerships.
- Ensure financial sustainability and operational effectiveness to support our growth and innovation.
- Effectively represent the organisation, becoming our face and voice in the public arena.
- Maintain a key balance between stakeholder priorities and delivering results focussed on value creation for Māori.
- Alongside Paihere Tangata, manage the professional development, improvement and performance of staff.
- Report and advise the Board on policy development, finance and resourcing considerations.
The Ideal Candidate:
We are looking for a decisive, visionary leader with experience in kaupapa Māori education who demonstrates strong strategic, operational, interpersonal and leadership skills. You should be able to communicate and inspire effectively in te reo Māori and english, with a proven track record in managing teams and building meaningful relationships with iwi and other Māori stakeholders. You will be highly visible, approachable and charismatic as our Tumuaki with a sound knowledge of issues and opportunities affecting te iwi Māori.
Qualifications & Experience:
- Demonstrated commitment to kaupapa Māori, Te Reo Māori, and Mātauranga Māori.
- Significant experience in senior leadership, preferably in education or a similar field.
- Strong financial acumen and experience in organisational management.
Why Join Us?
At Te Wānanga o Raukawa, you will be part of a unique, thriving, kaupapa Māori organisation with a legacy of excellence, innovation, and community impact. This is an opportunity to contribute to the future of Māori education and make a meaningful difference in the lives of students, staff, and the wider community.
How to Apply:
If you are looking to work within a busy, dynamic, kaupapa Māori environment and to support the expansion of the mātauranga Māori continuum, please submit your CV and a cover letter outlining your experience and vision for leading Te Wānanga o Raukawa. Applications close on Sunday, 24 November 2024.
For a further details, or to apply contact:
Russell Spratt – Tau Mai
Īmēra: russell@tribegroup.com
Waea: 029 446 3770
